Psalms 136

Yook 136

1Yariman yaa eso andime, ye kuu amun kowe.
Amborom kuu ye womoniyiibban ye mimyob dowaken kuu aron korem kwane angkimbaraneen.
 2Goddan korem yi God yaa eso andime.
Amborom kuu ye womoniyiibban ye mimyob dowaken kuu aron korem kwane angkimbaraneen.
 3Yariman korem yi Yariman yaa eso andime.
Amborom kuu ye womoniyiibban ye mimyob dowaken kuu aron korem kwane angkimbaraneen.
 4Yembedmo binangke ye yaa anam andi yeman ongmenabimaanman, ye yaa eso andime.
Amborom kuu ye womoniyiibban ye mimyob dowaken kuu aron korem kwane angkimbaraneen.
 5Ye meeni kangdombed Ewen ongmoonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 6Yembed okad yu yumbon kuu ok wedyirimbed ongme kowoonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 7Yembed nambiri dareb dareb ongmenaboonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 8Aronki oonimaun ye aron kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 9Amnoom oonimaib ye woodiib mindongiib kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 10Idyipdan yi wonob dana meed yeene monmaroonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 11Yi numun aombed Israeldan ben angkadoroonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 12Ye dingki aromkonoyiib yiroon kumbed kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 13Karamok Dodmo andokboonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 14Karamok kuu andokbe angkara angkara kerekore Israeldan kuu wedyiri benyanoon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 15Kumban yembed Feroyiib ye ana nangmidaniib karamok Dodmo yiri benkiradmoon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 16Ye nimakarub amboon angka ben kinban dewonoonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 17King dareb dareb yeene monmaroonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 18Kwane kingdan aromkonoyiib yeene nongkoboon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 19Amorodan yi king Sihon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 20Basandan yi king Og kangkon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 21Yi okad kandene ye nimakarub yaa kondoone yiman keroon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 22Ye demedan Israeldan yaa kondoone yiman keroon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 23Nub kuu benkubune yiri kerundiwen kuyaa wedme meenoonman yaa kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 24Yembed nub kuu nub bondan yaambed ben obon kerundoon kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 25Yembed wad dobiri yeman korem yaa animan bangkandimaan kui.
Amborom kuu ye womoniyiibban ye mimyob dowaken kuu aron korem kwane angkimbaraneen.
 26Ewen ari doreen ye God yaa eso andime.
Amborom kuu ye womoniyiibban ye mimyob dowaken kuu aron korem kwane angkimbaraneen.
Copyright information for YON